انا الغلبان
بضل شجرة اهرب من الشمس
واعيش بين اربع حيطان
كفانى نص رغيف
في يوم راي الغيطان
مالى ارض ملك
ازرع في غيط الجيران
في المغربية ارجع
بأكل السبع صبيان
انا الغلبان
بين القش والبوص عيشين
على الهامش موجودين
بس حمدين ربنا شكرين
اصبحنا دلوقتى مطرودين
حتى الاربع حيطان مش لاقين
ما غير الله سألين
عقابه ينزل على الظالمين
انا الغلبان
بقول لمصر وانادى
يا اللى في هواكى ماتوا ولادى
قومى يا مصر وشدى الحيل
ولادك على الصفين بسندوا
فاكرين ان الساقية هتميل
ميعرفوش ان بالعزيمة هيشتدوا
على القهوة قاعد طول الليل
كلام في كلام ياخدوا و يودوا
ولافيه عمل يهد الحيل
ولافيه ظالمين بيتحكموا
لكن فيه حريق فيه مولوتوف
فيه ناس في بيوتها هموت من الخوف
واشى جرح من هنا على فقع عين
على رصاصة اخدتها في جبنى
يوم ما نزلت اطالب بالحرية
والحلم كان مالينى
فداكى يا مصر اغلى حياة
فجر الحرية بنستناه
عارف ان شعب مصر اصيل من يومه
جدع راجل مالو هدومه
طيب فين شغلك يا عم الجدع
مصر بتموت من الوجع
علشان مصر ترجع زى زمان
لازم تقضى على الطاغى والطغيان
اولا
محاكمة الفسادين
ثانيا
حق اللى ماتوا بالملايين
ثالثا
القضاء على العسكر الخيانين
بقلم – دعاء جمال
ليست هناك تعليقات:
إرسال تعليق