بعد الثورة كل واحد فينا عايز يغير مصر للأحسن , فيه اللى بيعاقب الفسادين علشان يكونوا عبرة ويقضى على الفساد,وفيه اللى عايزين يحتلوا اكتر مقاعد في البرلمان ,وطرق تانية كتير .
لكن المشكلة بجد في سلوكياتنا, يعنى كل واحد فينا مش عارف ايه الحقوق وايه الوجبات ,و الاتنين عندنا واحد , وساعات بنعمل حاجة مش من حقنا وبيها بتتعدى على حقوق ناس تانية . وده اللى يخلينا نهتم بالاعلان العالمى لحقوق الانسان هتقولى ايه ده :هو عبارة عن الدستور اللى بيحافظ على حقوق الناس في العالم كله, الاعلان ده عملته الجمعية العامة للامم المتحدة ,ونشرته على كل الناس إنه المثل الاعلى المشترك بين الشعوب كلها, واللى لازم كل الدول اللى وافقت عليه تتعامل بيه وتلتزم بيه , وتتحاسب لو ما مشيتش عليه ومصر وافقت عليه لما طلع سنة 1948 ولحد دلوقتى موافقة عليه , ماعدا بعض الاجزاء اللى بتتعارض مع الشريعة الاسلامية , والاعلان ده فيه حقنا اللى إحنا عايزنه والواجب اللى مفروض نعمله .
يعنى مثلا من حقوقنا حق المساواة ,كل واحد فينا ليه نفس الحقوق ونفس الوجبات يعنى ماينفعش ادى لنفسى حق واحرم غيرى منه,لان مافيش حد احسن من حد حتى لو اختلفت البلد او اللون او الديانة وحاجات غيرها كتير. فيه كمان حق الحياة الى ده تقربيا مش واضح بالنسبة لينا , ازاى هقولك فيه كتير بيموتوا في حوادث الطرق ,إما بنضيع الحق ده من نفسنا او من غيرنا , وطبعا مش محتاج اقولك ان مصر فيها اكتر نسبة وفيات في الحوادث ديه , لازم نلتزم بإرشادات المرورية علشان منحرمش نفسنا ولا غيرنا من الحق ده . في حق موجود لكنه مش موجود وهو: حرية التعبير ,لان اليومين دول لو رأيك معجبنيش احاول اجرح فيك ,وده طبعا حاجة مش صح لان ده رايك وانت حر فيه ,ما دام مقتنع بيه, من حقك تدافع عنه من غير تجريح ... بس ما تفرضوش على غيرك . من حقك تدور على الاخبار والافكار ,ولماتلاقيها من حقك تذيعها على العالم كله لو حبيت,بس بمسئولية , عشان إحترام الناس واجب عليك ,مادام قلنا واجب يبقى لازم نقول شوية واجبات زى ما قلنا الحقوق.
المبادئ الانسانية الاساسية وده اول واجب عليك , يعنى واجب علينا نفتكر دايما اننا مخلوقين من روح واحدة ,وإسمنا إنسان وماينفعش نميز بين حد وحد,ولازم نعامل الاخرين بطريقة إنسانية ,لان زى مابتطالب بحقك لازم تعرف واجباتك . كتير منا بيقابل سلوكيات هدامة في حياته ,من الممكن ما تحصلش ليه ,بس واجبنا ان احنا نقضى عليه وده لازم طبعا بسلوك إيجابي ,لانه لو ماحصلكش انهاردة ممكن يحصلك بكرة ,وده اللى يخلينا نخاف على بعض ونكون إيد واحدة. وده بيرتبط بواجب ان احنا شعب واحد في عالم واحد لازم علشان نحقق التقدم واجب علينا نشيل مسئولية الناس اللى حوالينا,ونفكر في مشاكلهم حتى لو انت مش بيتمر بيها ,كل ده هخلينا نتقدم من غير مانتوقف .طبعا انا قولت بعض الحقوق وبعض الوجبات علشان انت بعض ما تخلص قرأة تحاول تدور على حقوقك وواجباتك وآخر حاجة عايزة انهى بيها قوله تعالى "ان الله لا يغير ما بقوم حتى يغيروا ما بانفسهم" وايضا كلمة غاندى (اذا تركنا واجبتنا و ركضنا وراء حقوقنا ستهرب منا كالسراب,وعلى قدر ما نلاحقها ستطير ابعد ابعد...).
ثانية!
عايزة اشكر الكتاب اللى عرفنى ايه هى الحقوق وايه هى الواجبات ,وهو حقوواجب المصرى ,وده نتيجة مشروع ثقافى غير هادف للربح .
بقلم _ دعاء جمال
ليست هناك تعليقات:
إرسال تعليق