للمجلس العسكري
يا مجلس مفترى
بتقتل ولادنا في عز الضهر
ودمهم تشترى
مين قالك يا مجلس العار
في دم ولادنا ما بنقبل بغير التار
ولدى نزل يشجع حلمه
رجعلى محمول على نعشه
قالولى ده اتحدف عليه نار
والشرطة بلغت فرار
يا ضابط يا ابو بدلة سوده ونجمة ونسر
اعترف ان تعاونك مع البلطجية مالهوش حصر
لحمة الابواب
علشان تقوم مسرحية العذاب
ابطالها
الشرطة و العسكرية
تنفيذها
طبعا البلطجية
ضحاياها
خيرت شباب مصر العافية
مشاهدها
انس وهو غرقان في دمه
ومصطفي وهو ديسين على جرحه
يا ناس يا فسادين
بتقولوا كنا للستاد حاميين
وايه!الصور والفيديوهات موجودين
اختشوا على دمكم
هو حد كان سامع حثكم
ولا هى بجاحة وقلة اصل
موجوده فيكم وملهاش وصف
اه....يا وجع قلبى يا ولدى
كنت مفتح زى الورد
جه الواطى اللى خدك على غدر
روحت مشجع في بورسعيد
رجعلى في كفنك واسمك شهيد
وجع قلبى وحرقته
لا بيهدأ ولا بتنشف دمعته
الا يا ولدى لما اجيبلك حقك
تكون مرتح في قبرك
ماغير القصاص قبلين
ولو حتى ليوم الدين
اهداء الى شهداء بورسعيد
بقلم- دعاء جمال
ليست هناك تعليقات:
إرسال تعليق